Shkup, 25 Korrik – Disa kompani të vendosura në zonën industriale “Ilinden” në Komunën e Ilindenit, si dhe një objekt në rrugën “Franjo Klluz” në Komunën e Aerodromit sot do të jenë pa energji elektrike, kumtoi Qendra Rajonale për Menaxhim me Kriza – Shkup, në bazë të njoftimit të marrë nga EVN.
Në kumtesë bëhet e ditur se në periudhën nga ora 8 deri në ora 11:30, pa energjis elektrike do të jenë objektet e kompanive “Shenker”, “Juba”, “Bane Sombor”, PP “Luks”, “Mercedes Tim Servis”, “In Tajm”, MK BPS, USP “Maqedoni – Shërbimi shpedicion”, “Bimi Kompani”, SHPK “Sadion Grupa”, SHPK “Joka”, “Fresh Farm”, “Solleks”, “Faber”, LEKS “Euroluks” dhe “Lino” të gjitha të vendosura në zonën industriale “Ilinden”.
Ndërsa në periudhën, prej orës 09:30 deri në ora 10:30 pa energji elektrike do të jenë konsumatorët nga rruga “Franjo Klluz” numër 2 – hyrja 1 dhe hyrja 2.
