Drejtoria e të Ardhurave Publike ju rikujton se të gjithë hotelerit dhe restorantet të cilët organizojnë ahengje të fundvitit dhe shesin bileta hyrje (rezervime) dhe/ose kupona, janë të detyruar të lëshojnë faturë fiskale gjatë shitjes së tyre, në përputhje me nenin 2 të Ligjit për regjistrimin e pagesave me para të gatshme.
Ky detyrim vlen sigurisht për të gjithë hotelerit dhe restorane të tjerë që do të bëjnë qarkullim me para të gatshme për shërbime të tjera katering, për ta regjistruar atë nëpërmjet një sistemi fiskal të miratuar dhe për të lëshuar fatura fiskale për përdoruesit es hërbimeve.
Kujtojmë gjithashtu obliguesit tatimor që do të punësojnë muzikantë apo argëtues në periudhën e ardhshme si persona fizikë, të lidhin kontrata për kryerjen e shërbimeve të përkohshëme dhe të raportojnë dhe paguajnë tatimin përmes sistemit DAPnë https://e-ujp. .ujp.gov.mk/
Është e rëndësishme të keni parasysh se tatimi mbi vlerën e shtuar nuk është i juaji – është i të gjithë qytetarëve!
Ju lutemi afishoni në mënyrë të dukshme një Njoftim ku do të informoni blerësit për detyrimin e tyre për të kërkuar kuponat fiskale dhe në këtë mënyrë të jenë në përputhje me tatimet!
Konsumatorët e mallrave, pra shfrytezuesit e shërbimeve, gjatë blerjes janë të detyruar që: “Të kërkojnë kupon fiskal dhe ta ruajnë pasi të dalin nga vendi i shitjes së mallit. Çdo qytetar ka të drejtë dhe detyrim të denoncojë tatimpaguesit e padisiplinuar që nuk përmbushin detyrimet e tyre dhe nuk lëshojnë fatura fiskale”.
Drejtoria e të Ardhurave Publike kryen kontrolle në terren në të gjithë territorin e vendit. Për hotelerit, restoranet dhe kateristët të cilët nuk do të lëshojnë fatura fiskale ose nuk do të respektojnë detyrimet ligjore, do të ndërmerren masat e duhura dhe do të fillojë procedura kundërvajtëse në përputhje me Ligjin për Kundërvajtje, Ligjin për Regjistrimin e Pagesave në Para të gatshme (LRPPG) dhe Ligjin për Procedurën Tatimore. (LPT) në përmjet lëshimit të urdhërpagesës.
Nëse obliguesit tatimor e paguajnë gjobën brenda 8 ditëve, shuma e saj përgjysmohet, por nëse gjoba nuk paguhet brenda afatit të caktuar, DAP – i paraqet kërkesë Komisionit për fillimin e procedimit për kundërvajtje dhe shpall aktivitet për një periudhë 15-ditore, deri në momentin e pagesës së gjobës dhe heqjes së parregullsisë.
Në rast se tatimpaguesit nuk respektojnë Ligjin për Regjistrimin e Pagesave me para të gatshme, DAP ka të drejtë të vendosë menjëherë një ndalese 30-ditore për kryerjen e aktiviteteve gjatë një rikontrolli.
Pronarët e bizneseve, tatimpaguesit e regjistruar që kanë dhënë me qira tendat për shitjen e pijeve, ushqimeve dhe produkteve të tjera në një zone të organizuar për festimin e festave të ardhshme, kanë detyrimin të përdorin pajisje fiskale të miratuar, në numër të mjaftueshëm, dhe të lëshojnë faturë fiskale për çdo shërbim, domethënë për çdo shitje. Njëkohësisht në librin e raporteve financiare ditore duhet të regjistrojnë me kohë qarkullimin e realizuar për çdo arkë fiskale dhe më së voni të nesërmen të paguajnë qarkullimin ditor në një llogari transaksioni.
Poashtu dërgojmë apel për të gjithë personat fizikë që do të shesin produkte për kohë të caktuar, si pjesë e tregjeve apo ngjarjeve të Vitit të Ri dhe Krishtlindjeve në një hapësirë të hapur ose të mbyllur, dhe nuk kanë respektuar ende Ligjin për Tatimin mbi të Ardhurat Personale (TAP), për të paraqitur një kërkesë për pagesë fikse të taksës nga kryerja e veprimtarisë me karakter të përkohshëm, në njësinë rajonale të DAP ku kryejnë veprimtarinë, me qëllim nxjerrjen e vendimit me paradhënie të përcaktuara të tatimit mbi të ardhurat personale dhe urdhrapërpagesën e tatimit për të ardhurat e vjetruara gjatë periudhës kur kanë kryer veprimtarinë.
DAP ju nxit të respektoni detyrimet tuaja ligjore dhe të jeni tatimpagues përgjegjës!
Për çdo informacion ose pyetje shtesë, mund të kontaktoni Qendrën e Kontaktit të DAP.
Na kontaktoni në:
e-mail: [email protected]
telefonfiks 0800 33 000
celular 02/ 3253200
