Randal Kolo Muani e ka pranuar Juventusin si destinacionin e tij të ardhshëm.
Lajmin e ka bërë të ditur eksperti i transfereve, Fabrizio Romano.
Marrëveshja është arritur deri në qershor nga Paris Saint-Germaini dhe nuk do të përfshihet opsioni i blerjes definitive.
Rroga e lojtarit për këta gjashtë muaj do të mbulohet nga gjiganti italian.
Kolo Muani e pranoi propozimin e “Bianconeri” përkundër dy ofertave që i kishte nga Premierliga.
Sulmuesi francez do të fluturojë drejt Torinos gjatë kësaj jave dhe më pas do t’iu bashkohet shokëve të rinj të ekipit, me synimin që do të luajë rregullisht dhe që do të japë kontribut për Bardhezinjtë.
