Trajneri i Juventusit, Thiago Motta, foli për mikrofonat e DAZN pas ndeshjes së fituar 1-0 në “Unipol Domus Arena”, kundër Cagliarit. Këto janë deklaratat e tij, duke filluar me një vlerësim për Yildiz:
“Jam dakord me Montellën. Kenan ka aftësi të mëdha, si fizike ashtu edhe teknike. Ka një mentalitet të shkëlqyer. Në duelet një kundër një mund të krijojë gjithmonë raste të rrezikshme. Megjithatë, duhet të përmirësohet në finalizim, sepse shpesh i krijohen situata si ajo e sotme.
Është gjithmonë i qetë kur hyn në zonë, edhe goli do të vijë. Qoftë si trekuartist apo si anësor, ai gjithmonë arrin në zonë, dhe kjo më pëlqen. Nuk ishte e lehtë sot në këtë ambient. Në pjesën e parë nuk e mbyllëm ndeshjen, por morëm pikët dhe jemi të kënaqur.
Me Yildiz punojmë duke i treguar pamje të ndryshme për ta ndihmuar të përmirësohet në përfundimet e aksioneve. Ka një fizik të fortë dhe një goditje të shkëlqyer. Ka disa aspekte në të cilat duhet të insistojmë, sepse është një djalosh me nivel shumë të lartë”.
