Ambasada e SHBA-ve në Shkup nuk komenton dorëzimin e ish zëvendëskryeministrit të parë, Artan Grubi i cili në të njëjtën kohë ndodhet në listën e zezë amerikane për ndikim në gjyqësor. Sipas tyre, proceset ku janë të përfshirë individët nuk i komentojnë, por theksojnë se “Shtetet e Bashkuara janë të përkushtuara për bashkëpunim në zbatimin e ligjit me Maqedoninë e Veriut, gjë që i bën vendet tona më të sigurta dhe krijon kushtet për prosperitet më të madh ekonomik”, thuhet në reagimin e ambasadës së SHBA-ve në Shkup dërguar për Televizionin Alsat. /Alsat.mk
