23-vjeçarja Teodora R. nga Saraqina e Tetovës sot ka ndërruar jetë në Spitalin Klinik të Shkupit, pasi që më 15 gusht si këmbësore u lëndua rëndë në një aksident trafiku në Tetovë.
Vajza ka marrë lëndime të rënda trupore pasi që atë e goditi një veturë e drejtuar nga një 49-vjeçar nga Reçica e Madhe, a për shkak të lëndimeve serioze është dërguar në Qendrën Klinike “Nënë Tereza” në Shkup.
Aksidenti ka ndodhur më 15 gusht në bulevardin “Video Smilevski – Bato” rreth orës 22.
“Një automjet i tipit “BMV” me targa të Tetovës e drejtuar nga M.P. nga Reçika e Madhe ka goditur në 23-vjeçare T.R. (këmbësore) nga Saraqina e Tetovës. Në aksident T.R. ka marrë lëndime të rënda trupore, të konstatuara në Qendrën Klinike “Nënë Tereza” në Shkup, ku është dërguar pas dhënies së ndihmës mjekësore”, informoi SPB Tetovë pas aksidentit.
