Në kuadër të aktiviteteve të planifikuara për siguri më të madhe në komunikacion rrugorë në Pollog, sot (23 gusht) nga ora 08:00 deri në ora 12:00 në zonën e SPB Tetovë është bërë kontroll i intensifikuar i shpejtësisë me të cilën lëvizin automjetet, në të cilin janë zbuluar dhe janë sanksionuar gjithsej 32 kundërvajtje.
“25 drejtues mjetesh (TE-12 dhe GV-13) kanë tejkaluar shpejtësinë maksimale të lejuar jashtë vendbanimit dhe 7 (TE) në vendbanim. Për të gjithë drejtuesit e mjeteve janë bërë parashtrimet e duhura dhe do të përballen me gjobat e parashikuara monetare”, njoftojnë nga SPB-Tetovë.
Duke pasur parasysh se ka ende frekuencë të shtuar të trafikut në rrugët e këtij rajoni, SPB Tetovë edhe një herë rikujton dhe këshillon drejtuesit e mjeteve që të rregullojnë shpejtësinë sipas kushteve të rrugës dhe të respektojnë kufizimet ekzistuese, sidomos në autostradën Gostivar-Tetovë-Shkup dhe në rrugët e Tetovës dhe Gostivarit.
“Kjo aq më tepër sepse edhe këto ditë shpejtësia e papërshtatshme është shkaku më i shpeshtë i aksidenteve në komunikacion e sidomos për ato me pasoja më të rënda”, thonë nga SPB-Tetovë.
Gjithashtu apelohet që të mos parakalohet në vende të paligjshme dhe të mbajnë distancën e përcaktuar gjatë lëvizjes në kolonë, por edhe në përgjithësi.
