Në vitin e ardhshëm shkollor 2022/2023, në shkollat fillore do të punësohen 720 asistentë, që është 220 më shumë se vitin e kaluar shkollor.
Vendimi është marrë nga Qeveria e Maqedonisë duke marrë parasysh nevojat e shprehura të prindërve të nxënësve me aftësi të kufizuara, njoftoi Ministria e Arsimit dhe Shkencës.
“Rritja e numrit të asistentëve arsimorë nga 500 në 720 krahasuar me vitin akademik 2021/2022 është tregues se Ministria e Arsimit dhe Kulturës dhe Qeveria po punojnë për ngritjen e nivelit të gjithëpërfshirjes në mësimdhënie dhe rritjen e mëtejshme të cilësisë së mësimdhënies, procesit arsimor në shkolla, përfshirë shkollat e rretheve në zonat rurale”, thekson Ministria e Arsimit.
Punësimi i asistentëve për nxënësit me aftësi të kufizuara që ndjekin mësimet në shkollat e rregullta fillore për të dytin vit radhazi, shton MASH, nuk është më një shqetësim dhe shpenzim për familjet e nxënësve me aftësi të kufizuara, por një detyrim i shtetit.
“Asistentët mbeten të fokusuar në ofrimin e arsimit cilësor për nxënësin përmes bashkëpunimit me mësuesit dhe prindërit, me profesionistët dhe ekipin gjithëpërfshirës që kujdeset për nxënësin dhe në të njëjtën kohë inkurajojnë bashkëpunimin mes fëmijëve dhe komunitetit”, tha Ministria e Arsimit.
