Gjiganti katalanas Barcelona njoftoi sot se ka regjistruar një fitim prej 98 milionë eurosh për vitin financiar 2021-22 dhe për këtë sezon parashikon një fitim prej 274 milionë eurosh.
Barcelona është e dyta në listën e Forbes të skuadrave më të vlefshme të futbollit me një vlerë të vlerësuar prej pesë miliardë eurosh, pas rivalit Real Madrid, i cili vlerësohet në 5.1 miliardë euro.
Klubi njoftoi se Bordi Drejtues e mbylli vitin financiar në seancën e djeshme me një xhiro prej 1,017 miliardë euro dhe miratoi një buxhet për të ardhura operative prej 1,255 miliardë euro për këtë sezon.
Për të rikuperuar humbjet dhe për të respektuar rregullat e Fair Play Financiar, Barcelona më parë i shiti 25 për qind të të drejtave të saj televizive vendase kompanisë amerikane të investimeve Sixth Street për 25 vitet e ardhshme në dy marrëveshje të veçanta për një total prej 500 milionë euro.
