Në Kuvend për sot janë caktuar seanca të komisioneve për arsim dhe sport, për shëndetësi, mbrojtje dhe siguri, si dhe Komisioni juridiko ligjdhënës.
Në rendin e ditës të seancave të Komisionit për Mbrojtje dhe Siguri dhe Komisionit Ligjvënës, janë Propozim-Vendimi për miratimin e zgjatjes së afatit për ekzistimin e gjendjes së krizës në gjithë territorin e Republikës së Maqedonisë së veriut për shkak të mungesës së energjisë elektrike dhe kushteve në tregjet e energjisë elektrike, si dhe Propozim-vendimi për miratimin e vazhdimit të afatit për ekzistimin e gjendjes së krizës në zonën e qytetit të Shkupi, për shkak të mungesës së energjisë termike, mundësisë së shfrytëzimit të lëndëve djegëse alternative dhe kushteve të tregut të energjisë termike.
