Milani synon që ta përforcojë repartin ofensivë për sezonin e ri.
Gjiganti italian ka në radhët e veta Zlatan Ibrhaimovic dhe Olivier Giroud të cilëve iu skadon kontrata pas një viti, derisa Divock Origi nuk i ka arritur pritshmëritë.
Kësisoj kampioni në fuqi i Italisë po kërkon një sulmues për të ardhmen dhe ka tre emra në listë.
Rasmus Hojlund i Atalantës është duke u përcjell me vëmendje nga Rossonerët, me lojtarin danez që këtë vit iu bashkua bergamaskëve.
Ndërkohë në listën e Milanit është edhe sensacioni i këtij viti te Ajaxi, Mohammed Kudus që ka shënuar shtatë gola në 10 ndeshje.
Në listën e kuqezinjve ndodhet edhe ylli shqiptar Armando Broja.
21-vjeçari nuk po ka hapësira të mëdha te Chelsea dhe mund të largohet pas një viti, derisa londinezët e vlerësojnë atë mbi 30 milionë euro.
Kujtojmë që gjatë verës Chelsea ka refuzuar ofertat nga West Ham United, Everton, Newcastle United e Southampton për sulmuesin shqiptar. /Telegrafi/
