Dyzet e një vjet pas përballjes së tyre në qytetin e bukur të Parisit, Liverpool dhe Real Madrid do të takohen sërish në kryeqytetin francez.
Kësaj radhe, këto dy skuadra do të luajnë në finalen e Ligës së Kampionëve për sezonin 2021/22, shkruan Gazeta Express.
Skuadra spanjolle e synon triumfin e 14-të në këtë garë, për të vazhduar kështu dominimin e plotë.
Real Madridi deri më tani ka 13 tituj të fituar, duke qenë klubi me më së shumti tituj kampioni në Ligën e Kampionëve.
Ndërkaq, “Të Kuqtë” e duan për herë të shtatë trofeun e kësaj gare.
Të dy trajnerët do t’i kenë në dispozicion futbollistët më të mirë për sonte.
Divock Origi është mungesa e vetme te skuadra e Jurgen Kloppit, teksa Carlo Ancelotti nuk ka probleme me mungesa.
Formacionet e mundshme:
Liverpool: Alisson; Alexander-Arnold, Konate, Van Dijk, Robertson; Henderson, Fabinho, Keita; Salah, Mane, Luis Diaz.
Real Madrid: Courtois; Carvajal, Militao, Alaba, Mendy; Kroos, Casemiro, Modric; Valverde, Benzema, Vinicius Jr.
Finalja e Ligës së Kampionëve mes Liverpoolit dhe Real Madridit do të zhvillohet nga ora 21:00 në “Stade de France”.
