Faqja zyrtare e kryetarit të komunës së Çairit, sot është përballur me një sulm kibernetik. Njoftimi erdhi nga faqja zyrtare e komunës së Çairit, duke bërë të ditur se postimet nuk bëhen nga kryetari i komunës.
”Të nderuar qytetarë ju informojmë se faqja zyrtare e kryetarit të Komunës së Çairit, Visar Ganiu për momentin ka sulm kibernetik dhe çdo gjë që postohet në këtë faqe nuk është nga ana jonë. Për gjithçka do t’ju informojmë në vijim. Me shumë respekt kryetari i Komunës së Çairit, Visar Ganiu” – shkruan faqja zyrtare e komunës së Çairit.
