Ambasadori çek në vend, Jaroslav Ludva, vendi i të cilit është kryetar aktual i Unionit Europian, në një konferencë për media, njoftoi sot se ambasada do të organizojë disa konferenca me ambasadën çeke në Sofje për Maqedoninë dhe marrëdhëniet e mira fqinjësore, veçanërisht për përmirësimin e dialogut me Bullgarinë..
“Do të kemi disa konferenca, një në Shkup, një në Sofje dhe një në qytetet kufitare Petrich dhe Strumicë, të fokusuara në përmirësimin e dialogut, marrëdhëniet më të mira fqinjësore, shkëmbimin e përvojave me Bullgarinë, e cila tashmë ka kaluar rrugën drejt BE, avantazhet e tregut të përbashkët mes dy vendeve fqinje, veçanërisht në fushën e tregtisë dhe investimeve.
Konferenca e parë do të mbahet të hënën në Sofje, e dyta në Shkup më 20 tetor dhe dy të tjerat në Petrich më 31 tetor dhe në Strumicë më 1 nëntor”, njoftoi Ludva.
Ai pret nga këto konferenca mirëkuptim më të mirë të ndërsjellë, marrëdhënie të mira fqinjësore dhe veçanërisht shkëmbim të përvojave në disa fusha, në fokus do të jetë bashkëpunimi i ndërsjellë ndërmjet organizatave joqeveritare.
E pyetur se si e vlerëson nivelin aktual të marrëdhënieve mes Shkupit dhe Sofjes, Ludva tha se asgjë në botë nuk është perfekte, por çdo gjë mund të jetë gjithmonë më mirë dhe se sheh hapësirë për bashkëpunim, të cilin, siç thotë ai, do të përpiqemi ta përmirësojmë më shumë.
