Euro-deputetja Iratxe Garcia Perez gjatë qëndrimit të saj në Shkup theksoi se Republika e Maqedonisë së Veriut i takon familjes evropiane.
Në konferencën e përbashkët me kryeministrin Dimitar Kovaçevski, ajo theksoi se është koha që interesat partiake të lihen anësh dhe të arrihet kompromis për të realizuar reformat e nevojshme.
“Kam ardhur në një moment të rëndësishëm, hapja e negociatave dhe procesi i skriningut. Një punë duhet të jetë e qartë, RMV-ja i takon Evropës ajo është pjesë e familjes evropiane”.
“Por ardhmëria është në duart e juaja dhe në vullnetin e Kuvendit dhe qytetarëve. Është e rëndësishme që interesat partiake të lihen anësh dhe të bashkohen përpjekjet që të gjendet kompromis për reformat e nevojshme”, tha Perez.
Ndërsa kryeministri i vendit Dimitar Kovaçevski pas takimit që realizoi sot me eurodeputeten dhe lideren e Aleancës Progresive të Socialdemokratëve në Parlamentin Evropian, Iratxe Garcia Perez deklaroi sot se vendi jonë nuk ka alternativë tjetër dhe se Bashkimi Evropian është rruga e vetme për në BE, për një jetë më të mirë të qytetarëve.
