Pas vendimit të VMRO-DPMNE-së, tani edhe LSDM-ja filloi të publikojë të dhëna për shumën e të ardhurave, por për zyrtarët e pushtetit të kaluar. Ivica Tomovski nga VMRO-DPMNE ishte në fokusin e socialdemokratëve, i cili faktikisht shpalos shumat e udhëheqësisë nga pushteti aktual. Nga “Bihaçka” thonë se ai si ish-udhëheqës i SH.A. ELEM Tours vetëm nga pagat ka marrë 30 mijë euro. Në të njëjtën kohë, siç shtojnë ata, Tomovski para se të merrte detyrën e ka shkelur ligjin, kur përmes një kompanie ku ka qenë udhëheqës nga ELEM-i ka argëtuar fatura në para të gatshme.
“Kompania e Tomovskit ka marrë tenderë në vlerë prej më shumë se 3,6 milionë denarë ose gati 60.000 euro nga SHA ELEM, përkatësisht nga Mickoski. Por ajo që është edhe më shqetësuese se nga shuma e tenderëve është pagesa e faturave të caktuara me para në dorë. Ja një dokument i tillë ku një faturë i është paguar ‘City Logistics’ me para në dorë. Kjo është procedurë e kundërligjshme, në kundërshtim me Ligjin për Qarkullim Pagesor”, tha Bogdanka Kuzeska – zëdhënëse e LSDM-së.
Tomovski, nga ana tjetër, në konferencën e sotme nuk i komentoi akuzat nga partia në pushtet. Ai bëri të ditur se udhëheqësit aktual të EMV-së dhe MEPSO-s, Vasko Kovaçevski dhe Orhan Murtezani, për një mandat i kushtojnë shtetit 80 mijë euro.
“Cili është kontributi i të gjithë drejtorëve të kompanive energjetike që shtetit i kushtojnë qindra mijëra euro, kurse Maqedonia shpenzon 750 mijë euro në ditë për të blerë energji elektrike për tregun e rregulluar?”, u shpreh Ivica Tomovski – anëtar i KQ të VMRO-DPMNE-së.
Tomovski shtoi se VMRO-DPMNE-ja me ndryshimin e Qeverisë do të bëjë rishikim të pagave. Më herët, Qeveria njoftoi se po hartohet një ligj i ri për pagat, i cili do të përcaktojë një kufi për pagat. Ka kompani publike që janë në humbje dhe anëtarët e këshillave drejtues dhe mbikëqyrës marrin të ardhura më të larta se paga e presidentit të shtetit./Alsat.mk
