Nga VMRO-DPMNE-ja sot kërkojnë sërish që të miratohet propozim-ligji që mundëson që produktet bazë të ushqimit të lirohen nga TVSh-ja deri në fund të vitit 2022, si dhe karburantet të tatohen me 5% deri në fund të vitit, përcjell TV21. Ivica Tomovski nga kjo parti sot tha se paga minimale prej 18 mijë denarëve nuk mjafton për të mbijetuar.
“10 kilogramë perime, një pako vaj gatimi, një rezervuar me benzinë, dhe një pako me qumësht, 30 bukë dhe 5 kilogramë fruta është e barabartë me një pagë minimale për një muaj. Këtu nuk përfshihen paratë e nevojshme për faturat mujore për shpenzimet e përgjithshme, paratë për shkollën, çerdhe e as që mendohet për jetën kulturore apo sportive. LSDM në vend të jetës solli varfëri”, tha Tomovski, anëtarë i Komitetit Qendror të VMRO-DPMNE-së.
