Të gjitha raportimet për bomba të vendosura janë të rreme, njoftoi Ministria e Punëve të Brendshme pasditen e sotme pas kontrolleve të kryera në të gjitha objektet për të cilat ka pasur kërcënime anonime për bomba të vendosura. Krahas shtatë shkollave, raportime për bomba janë raportuar edhe në qendrat tregtare “Biser”, “East Gate”, si dhe në Qendrën e Transportit (Stacioni Hekurudhor), si dhe në stacionin policor Qendër.
“Ministria e Punëve të Brendshme informon opinionin se janë bërë të gjitha kontrollet e nevojshme në lidhje me raportimet e sotme nga shkollat dhe objektet tjera në Shkup, të cilat në adresën e emailit kanë marrë mesazh me kërcënim për mjet shpërthyes dhe është konstatoi se këto janë raportime të rreme. “Menjëherë pas marrjes së denoncimeve, punonjësit e policisë kanë marrë masa për evakuimin e sigurtë të objekteve dhe më pas janë kryer kontrolle të hollësishme nga ekipet inspektuese antiterroriste dhe është konstatuar se bëhet fjalë për kallëzime të rreme”, thuhet në njoftimin e MPB-së. .
