Kryetari i komunës së Prishtinës Përparim Rama në bashkëpunim me përfaqësuesin e KfW, Pablo Obrador Alvarez dhe Kryeshefin Ekzekutiv të Termokos, Fisnik Osmani sot kanë nënshkruar Marrëveshjen e Veçantë për projektin më të madh në rajon ku transformon sistemin e ngrohjes përmes energjisë diellore.
“Sot, bashkë me përfaqësuesin e KfW, Pablo Obrador Alvarez dhe Kryeshefin Ekzekutiv të Termokos, Fisnik Osmani nënshkruam Marrëveshjen e Veçantë për projektin më të madh në rajon”, ka shkruar Rama.
Sipas Ramës nëpërmjet këtij projekti do të kontribuojnë në ngritjen e kapacitetit të sistemit ekzistues të furnizimit me ngrohje, i cili do të jetë më efiçient, më i sigurt dhe më miqësor me ambientin, ka shkruar Rama në facebook.
