Sot, Kuvendi i Republikës së Maqedonisë së Veriut miratoi Propozim buxhetin e plotësuar për vitin 2023, që sipas Ministrisë së Financave, nënkupton ballafaqim me pasojat e krizës energjetike, vënien e bazave për rimëkëmbjen ekonomike dhe përshpejtimin e rritjes ekonomike si dhe qëndrueshmërisë fiskale.
Sipas miratimit, Propozim buxheti për vitin 2023 është 324.8 miliardë denarë (afër 5,3 miliardë euro), të hyrat janë planifikuar në nivel prej 282.1 miliardë denarë, që është 14.8% më i lartë se në vitin 2022, ndërsa deficiti është në nivel prej 4.6% nga PBB-ja e planifikuar ose 42.7 miliardë denarë dhe do të financohet nga burime të brendshme dhe të jashtme. Projeksioni për rritjen ekonomike për vitin 2023 është 2.9%, ndërsa inflacioni 7.1%.
