36-vjeçari Antonio Leka u arrestua ditën e djeshme pasi është kapur me një arsenal armësh.
Gazetari Igli Çelmeta tha se në momentin kur është arrestuar ka qenë i veshur me antiplumb, ndërsa në dëshminë e tij ka thënë se ishte nisur për të vrarë politikanët në Lezhë.
“Policia e Lezhës ditën e djeshme pas disa informacioneve ka bërë të mundur arrestimin e 36-vjeçarit. 36-vjeçari ishte i veshur me antiplumb. Pasi është marrë në pyetje ka deklaruar se ishte nisur të vriste politikanët në Lezhë. Antonio Leka në vitin 2005 u arrestua pasi ishte kapur duke shitur lëndë narkotike. Ka qenë telefonata e vëllait të tija që ka alarmuar policinë , pasi ka lajmëruar policinë se vëllai i tij ka qenë i armatosur. Gjithashtu pritet të bëhet edhe ekspertimi i gjendjes shëndetësore të 36-vjeçarit”, tha gazetari Igli Çelmeta.
