Ambasadori i Kosovës në Mbretërinë e Bashkuar, Ilir Kapiti, sot është takuar me komisionaren e lartë të shtetit të Eswatinit, në Londër.
Për këtë shtet ditë më parë, presidenti i Serbisë Aleksandar Vuçiq tha se ka tërhequr njohjen për pavarësinë e Kosovës.
Por, Kapiti sot demantoi këtë duke thënë se Kosova dhe Eswatini po forcojnë raportet dhe se po eksplorojnë për mundësitë ekonomike.
“Sot bëra një vizitë te komisionarja e lartë, znj. Thandazile P. Mbuyisa, në Ambasadën e Mbretërisë së Eswatinit, në Londër. Ishte kënaqësi të trajtonim ngjarjet aktuale globale dhe ne mezi presim të forcojmë marrëdhëniet tona Eswatini – Kosovë duke eksploruar mundësitë ekonomike”, shkroi në Twitter Kapiti.
