Siç zbulohet nga RMC Sport, Luis Campos, drejtori sportiv portugez i Paris Saint-Germain, tashmë ka vendosur që as Lionel Messi dhe as Neymar nuk do të jenë në skuadrën e PSG-së për sezonin 2023/2024, duke synuar drejt një skuadre që do të sillet rreth figurës së Kylian Mbappe.
Me synimet e tyre për t’u rikthyer nga një deficit 1-0 kundër Bayern Munich në ndeshjen e parë të 1/16-tës së Ligës së Kampionëve, klubi po shqyrton këtë opsion në mënyrë që të largohet nga qendra e vëmendjes së mediave tek Kylian Mbappe.
Mbappe qëndroi në klub me kushtin që të ishte ylli kryesor i skuadrës dhe për këtë arsye, në atë kohë ai refuzoi ofertën miliona dollarëshe që kishte në tavolinë nga Real Madrid.
Një arsye tjetër që tregon se kjo mund të ndodhë është vonesa në rinovimin e kontratës së Lionel Messit që do të nënkuptonte se Campos do të ishte i lumtur ta shihte atë të largohej nga klubi me kontratë të lirë, ashtu siç erdhi nga Barcelona
Rasti i Neymar ka rezultuar të jetë pak më ndryshe.
Pala franceze i pagoi Barcelonës më shumë se 222 milionë euro në vitin 2017 për të vulosur lëvizjen për brazilianin, duke e bërë atë lojtarin më të shtrenjtë në histori.
13 titujt që ka fituar, të gjithë vendas, nuk kanë mjaftuar që tifozët ta konsiderojnë legjendë dhe klubi tashmë po shqyrton ofertat që do të shihnin largimin e tij nga Parisi. Chelsea është paraqitur mes klubeve të tjera në interesin e tyre për lojtarin, megjithatë çështja kryesore për destinacionin e ri të brazilianit do të jetë paga e tij e lartë vjetore.
Logjika pas planeve të Campos mund të jetë se ai po kërkon të krijojë një lloj tjetër skuadre, me më pak yje, në mënyrë që të nisë një sulm përfundimtar për të arritur Ligën e Kampionëve të shumëpritur. /IndeksOnline/
