Në fundjavën e kaluar (04 dhe 05 mars), zyrtarët policorë të SPB-Tetovë kanë mbajtur takime me përgjegjës të gjithsej 21 objekteve hoteliere (hotele dhe motele) që veprojnë në rajonin Tetovë-Gostivar.
Në kuadër të këtyre takimeve të mbajtura nga Departamenti i Parandalimit, punonjësit e policisë i kanë njoftuar ata nga afër me dispozitat e Ligjit për të Huajt dhe me domosdoshmërinë e respektimit të plotë dhe të qëndrueshëm të tyre, mbi të gjitha kur bëhet fjalë për regjistrimin dhe çregjistrimin e shtetasve të huaj dhe rregullimi i qëndrimit të tyre në rajonin e Pollogut.
“Ata u njoftuan edhe për implikimet ligjore nëse nuk respektojnë dispozitat në fuqi, ndërsa hotelierët shprehën gatishmëri të plotë për zbatimin e dispozitave ligjore edhe në të ardhmen”, njofton Fatmir Rexhepi, zëdhënës i SPB-Tetovë.
Javën e kaluar në Gostivar janë organizuar takime të tilla me përfaqësues të institucioneve të arsimit të lartë dhe klubeve sportive ku studiojnë apo performojnë të huajt.
