Sot do të luhet një numër i madh ndeshjes të cilat vlejnë për rrugëtimin në çerekfinalet e Ligës Europa dhe Liga e Konferencës.
Në Ligën Europa do të luhen 8 sfida interesante dhe të forta. Juventusi do të ndeshet në Torino me Frajburgun. “Zonja e Vjetër” shihet favorite në këtë përballje, por nuk duhet të nënvlerësohet ekipi gjerman, pasi në Bundesligë, është një ekip konkurrues.
AS Roma do të përballet në “Olimpiko” ndaj Real Sosiedadin. Kjo sfidë pritet të jetë emocionuese, pasi spanjollët janë një ekip goxha i fortë.
Përplasje e bukur do të jetë dhe ajo mes Sportingut dhe Arsenalit, sfidë e cila do të luhet në Portugali. Man. Junajted do të ketë në “Old Trafford” spanjollët e Real Betisit.
