Ministrja e Punës dhe Politikës Sociale, Jovanka Trençevska sot u takua me gratë pa dokumente dhe bashkë me profesoreshën Sofija Arnaudova kishin diskutim të hapur, njoftojnë nga MPPS.
“Takimi kishte për qëllim që të dëgjohen sfidat me të cilat përballen gratë pa dokumente”, thonë nga MPPS, duke shtuar se ngjarja e sotme është vazhdimësi e organizimit të takimeve të tilla në kuadër të fushatës “E zëshme dhe e guximshme” me qëllim të fuqizimit ekonomik dhe shëndetit mendor të grupeve të ndryshme.
“Përmes diskutimit konstruktiv ishte përshkruar jeta e përditshme e grave pa dokumente dhe përmes udhëheqjes nga profesoresha Sofija ishin dhënë udhëzime si mund të punojnë në shëndetin e tyre mendor dhe pse është me rëndësi fuqizimi ekonomik i grave. Ministrja porositi se e dëgjon zërin për sfidat me të cilat përballen gratë dhe theksoi se të njëjtat do të zgjidhen njëra pas tjetrës”, theksojnë nga MPPS.
Fushata “E zëshme dhe e guximshme” vazhdon gjatë gjithë muajit mars.
“Qëllimi është që përmes takimeve me njerëzit në gjithë territorin e Republikës së Maqedonisë së Veriut të dëgjohen drejtpëdrejt sfidat me të cilat përballen qytetarët”, thonë nga MPPS.
Në takim ishte e pranishme edhe deputetja Latifa Shikovska.
