Me vota nga GERB-SDS, DPS “Ka një popull të tillë” dhe “Rilindja”, Parlamenti bullgar ka vendosur si pikë të parë të rendit të ditës, sot, ta marrë në pyetje ministren e Punëve të Jashtme, Teodora Gençovska.
Propozimi u miratua me 117 vota “për”, 108 “kundër” dhe pesë “abstenime”. Nga “Vazhdojmë me ndryshimin”, “BSP për Bullgarinë”, “Bullgaria Demokratike” dhe katër deputetë të pavarur votuan “kundër” propozimit.
Në kërkesë të “Ka një popull të tillë”, marrja në pyetje e ministres Gençovska është pas dyerve të mbyllura. Prandaj kamerat mediat u penguan dhe nga deputetët u kërkua t’i lënë celularët jashtë sallës.
Ajo është kandidat i partisë së Sllavi Tridonov dhe para disa muajve foli për politikë të dyfishtë të kryeministrit Kiril Petkov rreth kontestit për Maqedonisë së Veriut. Ditët e fundit pasi ITN-ja janë larguar nga koalicioni dhe filluan t’i akuzojnë ish-partnerët e tyre, sërish u hap çështja për tentimet e Petkovit pas skenës për ta hequr veton për fillimin e negociatave për aderimin e Maqedonisë së Veriut në BE.
Si përgjigje, kryeministri vazhdimisht ka përsëritur se vendimi për vendin fqinj do të sillet në Parlament, maksimalisht transparente dhe jo pa harmonizim të opozitës.
Kohë më parë deputeti Stanisllav Balabanov tregoi vërejtje në të cilën pohon se e akuzon kryeministrin se gënjen, sepse kishte vizatuar një diagram të trenit për Kievin, sipas të cilit Qeveria planifikon së pari ta heqë veton dhe më pas Maqedonia e Veriut t’i plotësojë kërkesat e Bullgarisë.
Pretendimet e Balabanovit janë përshkruar nga shefes së kabinetit të kryeministrit Lena Borisllavova si truk.
GERB-SDS sot në mëngjes parashtruan 59 nënshkrime në kërkesë për votimin e mosbesimit të Qeverisë. Këtë në brifing në Asamblenë Popullore e kumtoi kryetarja e grupit Desisllava Atanasova.
Në konferencë të përbashkët për shtyp zëvendëskryetari i GERB-it, Tomisllav Donçev dje paralajmëroi se sot do të parashtrohet votim për shkak të mossuksesit të Qeverisë në sferën e financave publike dhe politikës ekonomike.
