Napoli pësoi një goditje të fortë në fushën e tij, pasi u poshtërua 4-0 nga Milan në ndeshjen e vlefshme për Serie A. Një humbje që vjen pak ditë para asaj që dy ekipet do të luajnë edhe në Ligën e Kampionëve. Trajneri i Napolit, Luçiano Spalleti, pranon epërsinë e Milanit.
“Bënë një ndeshje të jashtëzakonshme dhe shfrtëzuan çdo mundësi e hapësirë që iu dhamë. Ne bëmë një ndeshje nën mundësitë tona, ndërkohë që dëshira për të përmbysur shifrat na detyroi të linin hapësira, që Milan i shfrytëzoi. Ajo që na penalizoi ishte qarkullimi i topit, ku hasëm vështirësi. Ndoshta duhej të prisnim edhe pak e të ishim më kompaktë, por gabuam nga dëshira për të fituar”, tha Spaleti.
“Ndoshta mungesa e disa lojtarëve që ishin me kombëtaret ndikoi, por Milan bëri një ndeshje të shkëlqyer. Thonin se Milan kishte mbaruar, se nuk ishte skuadra e vjetshme, por në fushë tregoi të kundërtën. Kush mendon se në Ligën e Kampionëve kishim një short të favorshëm duhet të mendojë ndryshe, pasi nuk ka asgjë të mbaruar. Euforia nuk duhet të na kthehet në armik”, tha në fund Spaleti.
