Ministria e Drejtësisë pritet të shpallë këtë javë emrat e ekspertëve që do të jenë pjesë e grupit të punës për ndryshimet kushtetuese, pasi javën e kaluar u shpallën emrat e përfaqësuesve të partive politike dhe institucioneve që do të jenë pjesë e këtij organi. Nga ana tjetër, grupi punues pritet të takohet me ç’rast do të formulojë propozimet, pas së cilës do të hapet një diskutim publik për ta. Shefi i diplomacisë, Bujar Osmani, tha të premten se bullgarët mund të përfshihen në Kushtetutën e Maqedonisë vetëm si pjesë e popullit bullgar dhe në asnjë mënyrë tjetër, duke hedhur poshtë mundësinë që formulimi “bullgarët maqedonas” të hyjë në Kushtetutë.
