Prokurori i Përgjithshëm i Bullgarisë, Ivan Gershev ka qenë me fat që i ka shpëtuar një shpërthimi të madh pranë makinës së tij, që sipas autoriteteve ishte një sulm i shënjestruar kundër tij.
Sulmuesit vendosën një bombë në një kthesë pranë fshatit Kovaçevtsi, sipas kreut të Shërbimit Kombëtar të Hetimit të Bullgarisë, Borislav Sarafov.
“Bomba përmbante eksploziv të barabartë me tre kilogram TNT dhe shpërthimi krijoi një krater në diametër tre metra dhe 30-40 centimetra të thellë. Është e qartë se qëllimi i autorëve ishte të vrisnin, por për fat nuk pati të lënduar.
Ministria e Brendshme e Bullgarisë konfirmoi bombardimin, pa dhënë detaje.
Prokurori i Përgjithshëm ka qenë objektivi i protestave të mëdha në vitin 2020 së bashku me kryeministrin e atëhershëm bullgar Bojko Borisov, me protestuesit që akuzonin prokurorin për dështimin për të sjellë para drejtësisë një elitë mafioze të korruptuar që ata pretendonin se kishte depërtuar në strukturat e pushtetit të vendit.
Asnjë organizatë nuk mori përgjegjësinë për tentativën e djeshme ndaj prokurorit. Autoritetet po kryejnë hetime, ndërsa shërbimi mjeko-ligjor po studion mbetjet e mjetit shpërthyes.
/abcnews.al
