Shkup, 20 qershor – Nesër do të vazhdojë moti me diell dhe i ngrohtë, ndërsa pasdite dhe në mbrëmje në pjesët veriore do të ketë jostabilitet të izoluar me reshje të rrëmbyeshme dhe bubullima. Të mërkurën dhe të enjten do të jetë shumë nxehtë, ndërsa pasdite në shumë vende do të jetë e paqëndrueshme me reshje të rrëmbyeshme lokale shiu, bubullima dhe erë të fortë dhe kushte për stuhi afatshkurtër, paralajmëroi sot Drejtoria për Punë Hidrometeorologjike. Nga dita e premte, megjithatë, sipas DPHM-së do të mbizotërojë mot kryesisht stabil dhe i ngrohtë. Temperaturat maksimale në vend nesër do të arrijnë 36 gradë, pasnesër deri 38, ndërsa ditën e enjte deri 39 gradë. Në Shkup për nesër është parashikuar temperatura maksimale deri në 34 gradë, ndërsa për Gjevgjeli deri në 36 gradë.
