Vlladimir Gjorçev nga VMRO-DPMNE, për portalin Lider,, tha se Qeveria e udhëhequr nga Kovaçevski dhe Grubi është e paaftë.
“Për momentin në Maqedoni kemi temën me Bechtel & Enka dhe temën për ndryshime kushtetuese dhe në këto tema, pushteti po humb dhe këtë nuk po e fshehin as ata. Problemi që po na ndodh neve është se janë edhe 10 tema të tjera që neve na ikin, por që janë katastrofale për Maqedoninë, duke nisur nga inflacioni, i cili është më i madhi në rajon dhe dyfish më shumë se vendet e BE-së, nuk kemi investime, përfundon viti dhe nxënësit nuk kanë as libra”, tha Gjorçev.
Ai tha se në kohën e partisë së tij në pushtet, nxënësit kanë pasur libra dhe kompjuter dhe çdo dy javë po hapej një sallë sportive, ndërsa tani fëmijët nuk kanë as libra, madje as dëftesa. Sipas tij, për shkak të këtyre politikave të dështuara, këtë qeveri askush nuk e mbron.
