U kap me 100 mijë euro në autobusin e linjës Bari-Durrës, lihet në burg shoferi

Elson Rrodhe, shoferi i autobusit të linjës Bari-Durrës ku u gjetën 97.700 euro të fshehura në tavanin e mjetit. është lënë në burg nga Gjykata e Durrësit.

Në deklaratën e tij, 37-vjeçari tha se nuk kishte asnjë dijeni dhe se thjesht kishte bërë punën e tij si shofer.

Arrestimi i Rrodhes u bë në 13 qershor nën akuzën e tentativës për të kaluar në kufirin shqiptar rreth 100 mijë euro të padeklaruara. Kartëmonedhat ‘euro’ të gjetura u sekuestruan në cilësinë e provës materiale.