Një autobus me targa të Kosovës është përfshirë në një aksident trafiku në “Rrugën e Kombit”.
Si pasojë një 72 vjeçar me inicialet N.P është goditur për vdekje derisa po lëvizte me biçikletë, në aksin Morinë-Durrës.
Shoferi i autobusit, me inicialet E.R është shoqëruar për në stacionin policor.
“Rreth orës 09:30, në aksin rrugor “Rubik-Fang”, autobusi me drejtues shtetasin E. R., 60 vjeç, banues në Kosovë, me drejtim lëvizjeje “Morinë-Durrës”, ka përplasur një biçikletë me të cilën lëvizte shtetasi N. P., 72 vjeç, banues në fshatin Fang, Rubik. Si pasojë e përplasjes, shtetasi N. P. ka humbur jetën në vendngjarje, ndërsa nga autobusi nuk është dëmtuar asnjë pasagjer.
Drejtuesi i autobusit, shtetasi E. R. është shoqëruar në ambientet e Policisë, për kryerjen e veprimeve të mëtejshme procedurale. Në vendin e ngjarjes ndodhen shërbimet e Policisë Rrugore të Njësisë për Sigurinë e Autostradës “Milot-Morinë”, dhe grupi hetimor vijon punën për përcaktimin e shkakut të këtij aksidenti”, tha polica në një njoftim për mediat./tvklan.al
