Presidenti i Shqipërisë, Bajram Begaj e konsideroi samitin e NATO-s në Vilnius si një moment vendimtar për sigurinë e rajonit Euro-Atlantik.
Sipas kreut të shtetit shqiptarë, vendimet e këtij samiti do të jenë të dobishme në forcimin e kohezionit dhe unitetit të Aleancës, si dhe në ofrimin e mbështetjes për Ukrainë.
“Mbledhja e NATO-s në Vilnius është një moment vendimtar për sigurinë e rajonit Euro-Atlantik.
Vendimet e këtij samiti do të jenë të dobishme në forcimin e kohezionit dhe unitetit të Aleancës sonë, si dhe në ofrimin e mbështetjes për Ukrainën.
Shqipëria vazhdon të jetë e palëkundur në mbështetjen e përpjekjeve të Aleancës për të forcuar masat e ndëshkimit dhe mbrojtjes”, shkruan Begaj në një postim në rrjetin social Twitter.
