Shkëndija e Tetovës, jashtë çdo parashikim, eliminohet që në raundin e parë të Conference League nga Haverfordwest. Edhe pse kishte përballë një kundërshtar inferior në cilësi, skuadra tetovare dështoi të mbronte avantazhin e ndeshjes së parë (1-0), teksa pësoi gol pak para se të mbyllej koha e rregullt dhe në fund ra në “ruletën” e penalltive.
Edhe pse ishte dominuese në qarkullimin e topit dhe në raste, kuqezinjtë, ndoshta edhe duke pasur fatin kundër, u ndëshkuan në minutën e 89-të nga Jekins, i ndihmuar edhe nga devijimi i topit, që mori një trajektore të pakontrollueshme nga Taleski.
