Emiratet e Bashkuara Arabe kanë miratuar botimin e fjalorit arabisht-shqip. Ky informacion u bë i ditur gjatë takimit të sotëm mes kreut të BFI-së, Shaqir Fetai dhe një delegacioni nga Emiratet e Bashkauar Arabe, udhëhequr nga drejtori i Institutit për Trashëgimi të Sharikës, Abdulaziz bin Abdurahman El Muslimi. Gjatë takimit kreu i BFI, H. Hfz. Shaqir Fetai tha se me mysafirët kanë diskutuar edhe tema të tjera të interesit të përbashkët dhe thellimit të bashkëpunimit në të ardhmen.
Drejtori i Institutit për trashëgimi të Sharikës, Abdulaziz bin Abdurahman El Muslimi, theksoi se BFI-në dhe udhëheqësinë e saj kanë bashkëpunim të shkëlqyer, nga i cili priten edhe frytet e para.
“Sot kisha nderin të jem mysafir i Kryetarit të Bashkësise Fetare të Maqedonisë, ku u pritëm në një pritje të ngrohtë vëllazërore. Gjate këtij takimi biseduam për shumë çështje që ndërlidhen me bashkpunimin në mes të BFI dhe Institut të Trashëgimisë së Sharikas, në sferën e botimit dhe përgaditjen e kuadrove adekuate për zhvillimin e arkivistikës në këtë institucion. E falënderojmë Reisin për pritjen dhe do jemi në bashkpunim të mëtejmë”.
Në fund palët mbyllën takimin me këmbim dhuratash mes veti.
