Instituti i Shëndetit Publik (ISHP) apelon për kujdes gjatë zhytjes në plazhe të ndryshme, në veçanti në temperatura të larta. Gjatë dekadës së fundit nga zhytjet në ujë jetën e kanë humbur mbi 2,5 milion persona. Çdo vit në botë vdesin 236,000 njerëz. Shumica e këtyre rasteve madje deri në 90% ndodhin në vendet me të ardhura të ulëta dhe të mesme. Në nivel global niveli më i madh i vdekjeve është tek fëmijët e moshave nga 1-4 vjeçare e më pas renditen moshat nga 5-9 vjeçe. Rastet më të shpeshta të mbytjes në ujë ndodhin në lumenjtë, liqene si dhe puset shtëpiake. OBSH-ja rekomandon vendosjen e barrierave adekuate të cilat e kontrollojnë qasjen deri te uji, hapësira të posaçme për fëmijët para shkollor që të jenë më larg nga uji. Mësim të aftësisë për not, trajnim të qytetarëve për të shpëtuar dhe për të rianimuar personat që rrezikohen nga mbytja në ujë si dhe vendosjen e mbishkrimeve për informim të qytetarëve mbi ujin, dhe mbajtjen e pajisjeve adekuate siç janë jelekët për ujë. /Alsat.mk
