Gjatë ditës së djeshme (25.070.2023) Ministria e Punëve të Brendshme ka kryer kontroll mbi veturat në territorin e Republikës së Maqedonisë së Veriut për të sanksionuar automjetet që lëvizin me shpejtësi më të madhe se shpejtësia e lejuar, me ç’rast janë sanksionuar 218 drejtues automjetesh.
Prej tyre, gjashtë automjete udhëtonin me shpejtësi mbi 50 kilometra në orë më shumë se shpejtësia e lejuar dhe katër automjete me mbi 70 kilometra në orë më shumë se shpejtësia e lejuar.
Nga gjobat e shqiptuara, 110 drejtues automjetesh kanë tejkaluar shpejtësinë brenda vendbanimeve, ndërsa 108 drejtues automjetesh janë kapur me shpejtësi jashtë vendbanimeve.
Autoritetet kanë theksuar angazhimin e tyre për të garantuar sigurinë rrugore dhe janë zotuar se do të vijojnë kontrollet e trafikut edhe në ditët në vijim. Ata gjithashtu u bëjnë thirrje të gjithë përdoruesve të rrugës që të respektojnë rregullat e trafikut në mënyrë që të kontribuojnë kolektivisht në krijimin e rrugëve më të sigurta për të gjithë.
