Ministrja e Punës dhe Politikës Sociale Jovana Trençevska informoi se grupi i punës që u formua kohët e fundit për të shqyrtuar propozimet se si të rritet pensioni më i ulët në vend do të mbajë takime me këshillat inicuese që organizuan protesta në të gjithë vendin. Grupi i punës përfshin përfaqësues të Ministrisë dhe Shoqatës së Pensionistëve. Ata që protestojnë kërkojnë rritje lineare të pensioneve me 3,500 denarë dhe pension minimal prej 18,000 denarë. Por ministrja njoftoi se për çëshjen e parë do të kërkojë mendim nëse kjo është në përputhje me Kushtetutën, por duke gjykuar nga deklarata e saj e sotme, kjo nuk është bërë ende.
“Për rritjen lineare, do të bëhet kërkesë për mendim ekspertësh në Gjykatën Kushtetuese, nëse ata japin mendim ekspertësh edhe në Komisionin Legjislativ-Ligjor, por do të kërkojmë edhe mendim nga opinioni i ekspertëve të publikut ligjor, të shohim nëse rritja lineare është në përputhje me Kushtetutën dhe Ligjin për Sigurimin Pensional dhe Invalidor. Sigurisht, këto propozime do të vihen në diskutim brenda grupit të punës,” deklaroi Jovana Trençevska – Ministre e Punës dhe Politikës Sociale. /alsat.mk
