Punonjësit e N.P “Pyet Nacionale” dhe zjarrfikësit janë duke ndërmarrë masa për lokalizimin e zjarrit në malin afër fshatit Reçan të Gostivarit, i cili është shfaqur mëngjesin e sotëm. Sipas informacioneve nga Qendra për Menaxhim me Kriza, zjarri është paraqitur në numrin e telefonit 112.
“Në vendngjarje janë nisur një ekip prej 3 zjarrfikësve dhe një automjet zjarrfikësish. Informacionet fillestare thonë se digjet bar i lartë i thatë, mal i ulët, por ka edhe një sipërfaqe të vogël me pyll të lartë”, informon QMK.
Pas denoncimit për zjarrin në atarin e fshatit Reçan është kontaktuar me N.P “Pyjet Nacionale” – Njësia “Sharr” në Gostivar, të cilët tashmë kanë dërguar një ekip me punonjësit e tyre në terren dhe kanë filluar shuarjen e zjarrit.
