Nga java tjetër për 10 për qind do të ulen çmimet e disa prej ujëvarave mineral, lëngjeve dhe llojit të birrës bjonde, shkruan TV21. Ministri i Ekonomisë, Kreshnik Bekteshi tha se ulja vjen nga vetë prodhuesit vendor, pa vendim të Qeverisë.
“Tashmë kemi marrë disa shkrime nga ana e prodhuesve tanë, në përgjithësi prodhues të ujit mineral, të lëngjeve por edhe të birrës bjonde, që nga java e tjetër do të nisin me uljen e çmimeve me minimum prej 10 për qind, flas për ulje të drejtpërdrejtë nga prodhuesit, duke e marrë parasysh se nuk e kemi për qëllim të marrim ndonjë kufizim në zinxhirin e supermarketeve”, tha Bekteshi.
