Propozim ligji për Amnisti ka shkaktuar debat të ashpër në seancë Qeveritare, megjithatë, porpozuesi i tij, ministri i Drejtësisë, Krenar Lloga nuk ka dhënë dorëheqje. Ky sqarim erdhi nga kryetari i ASH-së, Arben Taravari në emisionin “Politica” në televizionin Globi.
“Nuk ka pasur dorëheqje, por ka pasur debat të ashpër në Qeveri me të cilin z. Lloga ka instituar që ky ligj të kalon. Nga partnerët e koalicionit është kërkuar të rishqyrtohet edhe për një javë”, deklaroi Arben Taravari, kryetar i ASH-së.
Ai tha e partneri i koalicioni që ka kërkuar kohë shtesë për propozim ligjin në fjalë, ka qenë LSDM. Është i bindur se dallimet do të tejkalohen dhe javën e ardhshme Ligji do të kalojë.
“LSDM-ja ka pasur diçka që ka dashur të konsultohet dhe ka mbetur për javën e ardhshme dhe besoj të kalon Ligji për Amnisti”, deklaroi Arben Taravari, kryetar i ASH-së.
Ai tha se me këtë ligj ASH nuk tenton të shpëtoj askënd nga burgu, por thjeshtë të amnistohen ato persona me vepra penale më të lehta që të lirohet mbipopullimi në burgje, ku, tha Taravari, kushtet janë të mjerueshme./TvGlobi
