Kryeministri Dimitar Kovaçevski sërish ka dënuar sulmet e djeshme terroriste ndaj Policisë së Kosovës nga ana e një grupi të armatosur serb, shkruan TV21. Kovaçevski thotë se prapa këtyre ngjarjeve qëndron dikush që ka agjendë që rajoni të jetë i paqetë.
“Sigurisht që prapa asaj që ndodhi dje në Kosovës, ekziston agjendë e dikujt që dëshirojnë që këtë rajon ta shohin sërish si rajon të paqetë, të zënkave mes fqinjëve, por për fat të mirë ka politikanë siç janë politikanët edhe te ne, edhe në Shqipëri, besoj që ka në të gjithë rajonin, që duan ta shohin rajonin të integruar në BE”, theksoi Kovaçevski./tv21.tv
