Bashkëshortja e ministrit të Financave, Fatmir Besimi, ka blerë dhe investuar në pronë mbi 200 mijë euro për gjithë vitin 2023. Këtë e tregojnë të dhënat e përditësuara nga pyetësori i zyrtarit qeveritar pranë Komisionit Shtetëror për Parandalimin e Korrupsionit, raporton portali Faktor.mk
Sipas këtij portali, 3.916.100 denarë, ose rreth 65.000 euro, gjatë këtij viti janë investuar në blerjen e 1.342 aksioneve në atë që Besimi së fundmi kishte raportuar. Bashkëshortja e ka ndjekur ministrin, i cili vitin e kaluar ka blerë 702 aksione në vlerë prej 3.408.940 denarë.
Bashkëshortja e Besimit po ashtu këtë vit bleu makinën Audi Q5. Modeli SUV luksoz, i prodhuar vetëm një vit më parë, është i regjistruar në vlerë prej 3.769.800 denarë, që do të ishte 61.000 euro.
Bashkëshortja e ministrit gjatë vitit 2023 ka depozitë të afatizuar në valutë prej 41.532 euro, ndërsa në të njëjtën kohë në “portofolin e saj investues” ka edhe 3.300.000 denarë (rreth 55.000 euro) si depozitë me afat në denarë.
Ministria e Financave është përgjigjur me një përgjigje se nuk bëhet fjalë për një situatë të re pronësore, pra bëhet fjalë për ndryshim të strukturës së pronës nga periudha e mëparshme që është regjistruar këtë vit.
