Një shenjë solidariteti dhe miqësie ndaj Izraelit u dha nga Shqipëria, kur Universiteti i Tiranës u ndriçua me ngjyrat e flamurit hebraik. Kryeministri i Shqipërisë, Edi Rama, bëri të ditur këtë përmes një postimi në Facebook, ku shprehu mbështetjen e vendit të tij ndaj Izraelit në konfliktin me Hamasin.
“Shqipëria qëndron me Izraelin. Mendimet dhe lutjet tona janë me familjet e viktimave të sulmit terrorist dhe të njerëzve të pafajshëm të marrë peng”, shkroi Rama, duke bashkangjitur edhe një foto të Universitetit të Tiranës me ngjyrat blu dhe e bardhë.
Rama gjithashtu theksoi se Shqipëria është një vend mik dhe aleat i Izraelit dhe se do të vazhdojë të kontribuojë në paqen dhe sigurinë në rajon. Ai shtoi se Shqipëria mbetet e angazhuar për zgjidhjen e dy shteteve, Izrael dhe Palestina, që të jetojnë në harmoni dhe respekt reciprok.
Reagimi i Ramës erdhi pasi Izraeli deklaroi luftë ndaj Hamasit, grupi islamik që kontrollon Gazën, pas një sërre raketash që u lansuan nga Gaza drejt territorit izraelit. Lufta ka shkaktuar mbi 1,100 të vdekur dhe mijra të plagosur në të dyja anët, si dhe një krizë humanitare në Gaza.
Shqipëria ka njohur zyrtarisht shtetin e Izraelit në vitin 1991 dhe ka zhvilluar marrëdhëniet diplomatike dhe bashkëpunimin ekonomik, kulturor dhe ushtarak me të. Shqipëria ka njohur edhe shtetin e Palestinas në vitin 1988, por nuk ka hapur ambasadat reciproke me të. Shqipëria ka njohur edhe Holokaustin si një gjenocid ndaj popullit hebre dhe ka nderuar shqiptarët që shpëtuan hebrejt gjatë Lufta Botrore II. (politiko.mk)
