Çdo ditë që kalon, gjithnjë e më shumë qytetarë i bashkohen atyre që e dinë se ne po përpiqemi të mos lëmë gurë pa lëvizur që ky vend të bëhet pjesë e BE-së. Fatkeqësisht, vitin e kaluar nuk i kemi bindur sa duhet sepse ky ka qenë procesi i vështirë, kompleks dhe i ndjeshëm dhe duhet kohë për të kuptuar efektet e secilit prej vendimeve tona, tha sot Ministri i Punëve të Jashtme, Bujar Osmani, lidhur me të gjithë procesin e integrimit të vendit drejt anëtarësimit në BE dhe nevojës për ndryshime kushtetuese.
Ministri shtoi se politikanët e kuptojnë se çfarë po ndodh, se kjo nuk është vetëm pjesë e thënieve “ky është momentum historik”.
“Këto janë raste vërtet të rralla sa i përket mundësive për integrim evropian. Shpresojmë se do ta kuptojnë se po marrin për zemër brezat e ardhshëm dhe po e mbajnë peng shtetin për disa interesa partiake-politike.
Historia do të gjykojë të gjithë ata që e shpërdorojnë këtë shans edhe për një mandat parlamentar apo interesat e partisë”, theksoi Osmani për mediat në konferencën për shtyp me ministrin ndërkrahinor austriak për çështjet evropiane dhe ndërkombëtare, Werner Amon./Telegrafi/
