Ende nuk dihet numri i amandamenteve për Propozim – rregulloren në Kuvend për çka nga e enjtja kishte konsultime dhe bisedime shtesë të propozuesit, kryetarit të Kuvendit, Talat Xhaferi dhe E Majta. Informacionet nga Kuvendi janë se për atë se sa amandamente do të ketë do të pritet në mbledhjen e Komisionit për Çështje Mandati dhe Imuniteti të caktuar për sot në orën 14.
Deputetët nga partia E Majta gjithashtu nuk japin informacione nëse ende ka konsultime, nëse kanë përfunduar dhe sa amandamente do të kenë për Propozim-rregulloren. Fillimisht numri i amandamenteve të tyre ishte 1850.
Amandamente për Propozim-Rregulloren kanë edhe VMRO-DPMNE-ja edhe LSDM-ja.
Xhaferi në brifing me gazetarët javën e kaluar ka shfyqur shpresën se rregullorja e punës do të miratohet me konsensus dhe se ajo do të vihet në rend dite të seancës së 2 nëntorit. Për momentin, kjo mbetet në harresë. Dokumenti është rezultat i bisedimeve pesëvjeçare mes grupeve parlamentare në përbërjen aktuale dhe të mëparshme parlamentare me ndërmjetësimin e eurodeputetëve në kuadër të procesit Zhan Mone. Rregullorja e re e punës do të duhet të zbatohet me fillimin e punës së përbërjes së re parlamentare.
Paradite në Kuvend u mbajt takimi i rregullt koordinues i përfaqësuesve të grupeve parlamentare me Xhaferin në të cilin, sipas informacioneve të MIA-s, ka marrë pjesë edhe një përfaqësues i partisë E Majta, por nuk është biseduar për amandamentet për Propozim-rregulloren.
Në koordinim ka marrë pjesë si edhe zakonisht si përfaqësues i Qeversisë zëvendëskryeministri Bojan Mariçiq, ndërsa kryetari i Kuvendit, Xhaferi i ka përsëritur afatet për datë dhe për mbjatjen e zgjedhjeve, zgjedhjen e Qeverisë teknike, etj.
Xhaferi i ka informuar koordinatorët e pranishëm se mbledhja e ardhshme e caktuar për më 2 nëntor do të plotësohet me disa pika të reja, si dhe do të caktohen vazhdimet e disa nga seancat në të cilat në rend dite janë ligje dhe vendime për të cilat janë përfunduar debatet e komisioneve.
